← Bosh sahifa / Главная

Maxfiylik siyosati

Tahrir sanasi: 2026-yil 27-sentabr

Ushbu siyosat SARA mobil va TV ilovalari hamda sara.uz sayti (keyingi o‘rinlarda — «Xizmat») foydalanuvchilarining shaxsga doir ma’lumotlari qanday yig‘ilishi, ishlatilishi, saqlanishi va himoya qilinishini tushuntiradi. Ma’lumotlar O‘zbekiston Respublikasining «Shaxsga doir ma’lumotlar to‘g‘risida»gi Qonuni (O‘RQ-547, 2019-yil 2-iyul) talablariga muvofiq qayta ishlanadi.

1. Ma’lumotlar operatori

“MAYOQCHA” mas’uliyati cheklangan jamiyati, STIR 312534508, manzil: Sirdaryo viloyati, Boyovut tumani, Boyovut shaharchasi, Sohil MFY, Xunarmand ko‘chasi, 22-uy. Aloqa: mayoqcha@gmail.com, +998 90 174-22-60, Telegram @Sarayordambot.

2. Qanday ma’lumotlarni yig‘amiz

2.1. Ota-ona (akkaunt egasi):

  • telefon raqami — ro‘yxatdan o‘tish va SMS kod bilan kirish uchun;
  • ism; jins — ixtiyoriy;
  • Google yoki Apple orqali kirilsa — shu xizmat bergan hisob identifikatori;
  • ilova sozlamalari: til, bildirishnomalar, ota-ona PIN-kodi (faqat xesh ko‘rinishida saqlanadi).

2.2. Bola profili (faqat ota-ona tomonidan kiritiladi):

  • ism yoki taxallus (haqiqiy ism shart emas);
  • tug‘ilgan yil va oy — faqat yoshga mos ekran vaqti me’yorini hisoblash uchun;
  • jins va avatar (tayyor to‘plamdan yoki ota-ona yuklagan rasm) — ixtiyoriy;
  • ota-ona o‘rnatgan cheklovlar: ekran vaqti, jadval, ruxsat etilgan va bloklangan kontent.

2.3. Foydalanish ma’lumotlari: bola qurilmasida qaysi videolar ko‘rilgani, bo‘limlar bo‘yicha sarflangan vaqt, bloklangan urinishlar, limit tugashi holatlari, qidiruv so‘rovlari. Bu ma’lumotlar faqat ota-onaga hisobot ko‘rsatish va cheklovlarni ishlatish uchun kerak.

2.4. Qurilma va texnik ma’lumotlar: qurilma identifikatori, platforma va model, ilova versiyasi, push-bildirishnoma tokeni, IP-manzil, so‘rovlar vaqti.

2.5. To‘lov ma’lumotlari: kartaning niqoblangan raqami va amal qilish muddati, Payme bergan karta tokeni, to‘lovlar va obuna tarixi. To‘liq karta raqami, CVV va SMS kodlar bizda saqlanmaydi — ularni Payme qayta ishlaydi.

2.6. sara.uz sayti ro‘yxatdan o‘tishni talab qilmaydi va shaxsiy ma’lumot so‘ramaydi; server faqat standart texnik jurnallarni (IP-manzil, brauzer turi) yozadi.

Biz yig‘maydigan ma’lumotlar: geolokatsiya (GPS), kontaktlar ro‘yxati, bolaning telefon raqami yoki emaili, reklama identifikatorlari. Kamera faqat qurilmalarni bog‘lash uchun QR-kodni skanerlashda ishlatiladi.

3. Ma’lumotlardan foydalanish maqsadlari

  • akkauntni yaratish, kirishni tasdiqlash va xavfsizligini ta’minlash;
  • bola qurilmasida ota-ona cheklovlarini ishlatish va ota-onaga hisobot ko‘rsatish;
  • obuna va to‘lovlarni amalga oshirish, to‘lov haqida xabar berish;
  • xizmat sifatini yaxshilash va nosozliklarni tuzatish (umumlashtirilgan statistika);
  • qo‘llab-quvvatlash murojaatlariga javob berish, qonun talablarini bajarish.

Ma’lumotlar reklama, marketing profillash yoki uchinchi shaxslarga sotish uchun ishlatilmaydi. Ilovada reklama yo‘q.

4. Bolalar ma’lumotlari va ota-ona roziligi

  • SARA bolalar uchun mo‘ljallangan, lekin akkauntni faqat 18 yoshga to‘lgan shaxs — ota-ona yoki qonuniy vakil ochadi. Telefon raqami SMS kod bilan tasdiqlanadi.
  • Bola o‘zi ro‘yxatdan o‘tmaydi va hech qanday shaxsiy ma’lumot kiritmaydi. Bola profilini faqat ota-ona o‘z akkaunti ichidan yaratadi; bola qurilmasi ota-ona akkauntiga QR-kod yoki bog‘lash kodi orqali ulanadi. Bola rejimidan ota-ona sozlamalariga o‘tish ota-ona tekshiruvi (PIN yoki savol) bilan himoyalangan.
  • Rozilik: ota-ona bola profilini yaratib va bola qurilmasini ulab, ushbu siyosatda ko‘rsatilgan bola ma’lumotlarini ko‘rsatilgan maqsadlarda qayta ishlashga «Shaxsga doir ma’lumotlar to‘g‘risida»gi Qonunga muvofiq, bolaning qonuniy vakili sifatida rozilik beradi. Bola profilini yaratish ekranida ushbu siyosatga havola ko‘rsatiladi.
  • Rozilikni qaytarib olish: ota-ona istalgan vaqtda bola profilini tahrirlashi yoki o‘chirishi, qurilmani uzishi yoki butun akkauntni o‘chirishi mumkin — shundan so‘ng bola ma’lumotlari qayta ishlanmaydi.
  • Minimal ma’lumot tamoyili: bola uchun faqat 2.2 va 2.3 bandlardagi ma’lumotlar olinadi; bolaning telefon raqami va joylashuvi so‘ralmaydi, avatar sifatida rasm yuklash majburiy emas.
  • Haftalik AI hisoboti uchun tashqi xizmatga faqat umumlashtirilgan raqamlar (masalan, kunlik daqiqalar, bo‘limlar ulushi) yuboriladi — bolaning ismi, ota-onaning telefon raqami va xom jurnallar yuborilmaydi.

5. Ma’lumotlar qayerda va qancha saqlanadi

  • Asosiy ma’lumotlar bazasi O‘zbekiston Respublikasi hududida joylashgan serverlarda saqlanadi.
  • Ma’lumotlar akkaunt faol bo‘lgan davr davomida saqlanadi. Akkaunt o‘chirilganda profil o‘chiriladi, bola profillari o‘chiriladi va anonimlashtiriladi, qurilmalar uziladi, bog‘langan kartalar va obuna bekor qilinadi, kirish tokenlari darhol bekor qilinadi.
  • To‘lov va tranzaksiya yozuvlari buxgalteriya va soliq qonunchiligi talab qilgan muddat davomida saqlanadi.
  • Himoya choralari: barcha ulanishlar HTTPS orqali; PIN-kodlar xeshlangan; karta ma’lumotlari faqat Payme tokeni sifatida; ma’lumotlar bazasiga kirish faqat vakolatli xodimlarga.

6. Uchinchi tomonlar

Xizmat ishlashi uchun quyidagi tashkilotlar xizmatlaridan foydalaniladi:

  • Payme (payme.uz) — to‘lovlarni qabul qilish, kartani bog‘lash va tasdiqlash;
  • Eskiz (eskiz.uz) — SMS tasdiqlash kodlarini yuborish (telefon raqami);
  • Google Firebase Cloud Messaging — push-bildirishnomalar (qurilma tokeni);
  • YouTube (Google LLC) — YouTube videolari rasmiy YouTube pleyeri orqali ko‘rsatiladi; bunda YouTube Google maxfiylik siyosati bo‘yicha texnik ma’lumotlarni qayta ishlashi mumkin;
  • Google Sign-In va Sign in with Apple — foydalanuvchi shu usulni tanlasa, kirish uchun;
  • Anthropic (Claude API) — haftalik AI hisobot matnini tuzish (faqat umumlashtirilgan statistika);
  • ip-api.com — IP-manzil bo‘yicha viloyatni aniqlash (ichki umumiy statistika uchun);
  • App Store va Google Play — ilovani tarqatish.

Google, Anthropic va ip-api xorijiy kompaniyalar bo‘lib, ularga faqat yuqorida ko‘rsatilgan minimal ma’lumotlar uzatiladi. Qonun talabi bo‘yicha vakolatli davlat organlariga ma’lumot faqat qonunda belgilangan tartibda beriladi. Boshqa hollarda ma’lumotlar uchinchi shaxslarga berilmaydi va sotilmaydi.

7. Sizning huquqlaringiz va murojaat tartibi

Siz o‘z (va farzandingiz) ma’lumotlari haqida bilish, ularni ko‘rish, tuzatish, o‘chirish, qayta ishlashga rozilikni qaytarib olish va qayta ishlashni cheklashni so‘rash huquqiga egasiz.

  • Ilova ichida: bola profillari va sozlamalarni Ota-ona kabinetida tahrirlash yoki o‘chirish;
  • akkauntni o‘chirish: api.sara.uz/deleteMyAccount (telefon raqami va SMS kod bilan);
  • boshqa so‘rovlar: mayoqcha@gmail.com, @Sarayordambot yoki +998 90 174-22-60. So‘rovda akkaunt telefon raqamini ko‘rsating; shaxsingizni tasdiqlash uchun SMS kod so‘ralishi mumkin.

Murojaatlar olingan kundan boshlab 15 kun ichida ko‘rib chiqiladi va javob beriladi.

8. Cookie fayllar

sara.uz sayti reklama yoki kuzatuv cookie fayllaridan foydalanmaydi. Kelajakda anonim tashrif statistikasi ulansa, bu haqda ushbu bo‘limda yoziladi.

9. O‘zgarishlar

Siyosat o‘zgarganda yangi tahrir shu sahifada tahrir sanasi bilan e’lon qilinadi; muhim o‘zgarishlar haqida ilova orqali xabar beriladi.

Boshqa hujjatlar

Xizmat ko‘rsatuvchi rekvizitlari

Tashkilot
“MAYOQCHA” mas’uliyati cheklangan jamiyati
STIR (INN)
312534508
Yuridik manzil
Sirdaryo viloyati, Boyovut tumani, Boyovut shaharchasi, Sohil MFY, Xunarmand ko‘chasi, 22-uy
Bank rekvizitlari
h/r 20208000707338455001, Kapitalbank “Kapital 24” Chakana biznes filiali, MFO 01158
Qo‘llab-quvvatlash telefoni
+998 90 174-22-60
Email
mayoqcha@gmail.com
Telegram
@Sarayordambot